• 99cdd31c-c229-401d-b81d83ae4dbc3122-source_8

HUGARKYRRÐ OG DJÚPSLÖKUN - Á NETINU! FRÁ 30. MARS - 31. MAÍ

Verð : 18.000kr

Lagerstaða : Til á lager


Hugarkyrrð - og djúpslökun  - Á NETINU ! 30. mars - 31. maí.

Hægt að koma inn hvenær sem er á þessu tímabili  - Tímar eru teknir upp

fyrirfram á ZOOM fjarbúnað og settir inn á lokaða Facebook síðu.

Alla viðburði er hægt að nálgast þegar fólki hentar til 31. maí 2020.


Innifalið:


Fyrirlestur um streitu, heilann og taugakerfið.

MÁNUDAGAR:

Öndunaræfing vikunnar
Jóga Nidra hugleiðsla

ÞRIÐJUDAGAR:
Yin jóga æfing

MIÐVIKUDAGAR:
Jóga nidra hugleiðsla


FIMMTUDAGAR:
Núvitundarhugleiðsla


FÖSTUDAGAR:
Jóga Nidra hugleiðsla



Ýmsir fræðslupunktar, tillögur og æfingar út frá streitufræðum sett inn á Facebook síðuna í hverri viku. Þessi hópur fær stuðning í gegnum streitu, kvíða og álag næstu vikna.

Yfirumsjón  hefur Hugrún Linda Guðmundsdóttir félagsráðgjafi MA, núvitundarkennari, jógakennari og markþjálfi. (Þjálfuð í áfallahjálp og streitufræðum).


Einnig koma að kennslunni Kristín Rósa Ármannsdóttir hjúkrunarfræðingur og jógakennari og Áslaug Heiður Cassata jógakennari sem verður með Yin jóga.


Allir tímar og æfingar eiga það sameiginlegt að þjálfa og vinna með slakandi hluta taugakerfisins (Parasympatíska taugakerfið).

 

Tímarnir byggja á eftirfarandi nálgun:

 

Jóga Nidra er ævaforn hugleiðslu og djúpslökunaraðferð sem örvar líffræðilega ferla svefnsins til að fara inn á mörk svefns og vöku. Oft er talað um „jógískan svefn“ en til að geta sofnað á kvöldin þurfum við fyrst að sleppa tökum á hugsunum okkar og það er nákvæmlega það sem Jóga Nidra gerir, nýtir þennan náttúrulega feril til að aftengja hugsanir okkar og hvílast án þess að sofna.

 

Jóga Nidra losar um streitu, bætir svefn , umbreytir neikvæðum hugsanamynstrum og skapar jafnvægi. Getur hjálpað til við að ná tökum á “burnout” einkennum, órólegum huga, kvíða, þunglyndi og til að létta á líkamlegum kvillum. 

Jóga Nidra er liggjandi hugleiðslutækni sem byggir á öndun og slökun, núvitund, líkamsvitund  og tengingu við hið innra sjálf.

 

Yin jóga er slakandi jóga sem eykur liðleika líkamans og róar hugann. Í yin jóga er farið í mjúkar teygjur þar sem þyngdaraflinu er leyft að vinna með okkur. Teygjunum er svo haldið í einhvern tíma (2-4 mínútur) til að ná djúpri teygju og slökun. Yin jóga er núvitundarmiðað jóga þar sem allar hreyfingar eru gerðar í fullri vitund hægt og yfirvegað og hugleitt er inn í stöður. Yin jóga vinnur með hugann sem og stoð og hreyfikerfi líkamans, vöðva, liðbönd, liði, festur, sinar og fasciu/himnulagið sem umlykur alla vöðva líkamans og heldur öllu saman. 

Djúpslakandi jóga fyrir alla sem vilja liðka sig og næra hugann í leiðinni með sjálfsumhyggju  og mildi að leiðarljósi.  Hefur einnig reynst fólki vel með vefjagikt og verki.

 

Öndun. Við lifum ekki lengi án þess að anda. Súrefni er frumþörfin okkar og okkar helsta orka eða Prana, sjálf lífsorkan. Lífsorkuna getum við því aukið með öndun. Að læra að anda inn meiri lífsorku eru fræði sem eru vel þess virði að kynna sér.

Hver fruma líkamans er háð súrefni og lifir ekki lengur en fimm mínútur án þess. Ef við aftur á móti öndum mjög grunnt eru frumur að fá mjög takmarkað súrefni og rétt hafa það af að lifa. Með því að auka og víkka út öndun erum við að hleypa súrefni og lífsorku í meira magni til frumanna. Súrefnisflæði líkamans hefur áhrif á allan líkamann og þekkt er að þeir sem eru með lungnasjúkdóma þjást oft af öðrum kvillum bæði andlegum og líkamlegum. Heilafrumur sem ekki fá nægjanlegt súrefni geta orðið til þess að við upplifum á endanum mikla andlega streitu og ójafnvægi í tilfinningum og hugsunum.

 

Núvitund og aðrar hugleiðslur  Að æfa sig í að vera í núinu styður við aukna vellíðan, er vörn gegn streitu, kvíða og þunglyndi. Hjálpar gegn erfiðum tilfinningum og hugsanaflækjum. Hjálpar til við að upplifa lífið með vakandi vitund í stað þess að lifa í sjálfstýringu og gömlu hugsanamynstri. Aukaverkanir eru rólegri hugur, yfirvegaðri ákvarðanir og meiri sátt við lífið og tilveruna þrátt fyrir ýmislegt sem lífið býður okkur upp á.