• 20180517-bhi-cme-course-in-mind-body-medicine_0

STREITUSTJÓRNUN OG SEIGLUÞJÁLFUN (SMART) ™ - 4 DAGAR 13 -16. nóvember 2020

Verð : 82.000kr

Lagerstaða : Til á lager


STREITUSTJÓRNUN OG SEIGLUÞJÁLFUN

Stress management and resiliency training (SMART) ™

 

Þetta námskeið kennir fólki að draga úr streitu og streitueinkennum, ná meiri stjórn á viðbrögðum líkamans við streitu og langvarandi álagi, draga úr sjúkdómseinkennum og efla lífsgæði og vellíðan. Kenndar eru aðferðir til að efla innri styrk og seiglu en seigla er hæfileiki  til að viðhalda heilbrigðu og stöðugu andlegu og líkamlegu ástandi í gegnum álag og streitu. Hægt er að þjálfa upp þennan eiginleika með ýmsum aðferðum. 

 

Námskeiðið byggir á vísindalegri tengingu huga og líkama (Mind - Body Medicine) og stutt af læknisfræðilegum rannsóknum frá Harvard Medical School og Benson-Henry Institute. Mind-Body Medicine hugmyndafræðin byggir á því að venjur, hugsanir, tilfinningar. hegðun og samskipti eru talin hafa mikil áhrif á líkamlega heilsu og sömuleiðis hefur líkamleg heilsa áhrif á hugann og andlega heilsu. Rannsóknir sýna jákvæð áhrif á hina ýmsu sjúkdóma og ástand sem tengjast streitu og streitutengdum sjúkdómum. 

 

Aðeins heilbrigðismenntaðir aðilar fá leyfi til að kenna þetta námskeið að undangenginni þjálfun hjá Benson- Henry Institute for Mind Body Medicine at Massachussetts General Hospital.

 

Við vitum að 60-90% af heimsóknum til heimilislækna eru vegna sjúkdóma sem tengjast streitu. Við vitum líka að mind-body medicine er oftast árangursríkasta meðferðin til að meðhöndla streitu eða koma í veg fyrir að streita fái að þróast í sjúklegt ástand.

 

Hvort sem fólk hefur verið greint með sjúkdóma, finnur fyrir langvarandi streitu- eða sjúkdómseinkennum eða vill einfaldlega draga úr streitu og auka lífsgæði sín, þá gæti þetta námskeið hentað.

Hentar meðal annars fólki sem glímir við:

  • Kvíða
  • Vægt eða miðlungs þunglyndi
  • Langvarandi verki
  • Svefnleysi eða þreytu
  • Höfuðverk eða mígreni
  • Sjálfsofnæmissjúkdóma
  • Meltingarfærasjúkdóma 
  • Húðsjúkdóma s.s. soriasis og exem
  • Einkenni sem tengjast astma eða ofnæmi
  • Ýmsa gigtarsjúkdóma
  • Aðra sjúkdóma og einkenni sem versna undir álagi og streitu

 

Þátttakendur læra margvíslegar aðferðir byggðar á vísindum um tengingu hugar og líkama (Mind body medicine) sem og inngrip sem byggja á sjálfsvinnu:

Meðal annars:

  • Að þekkja sín eigin streituviðbrögð.
  • Ýmsar hugleiðsluaðferðir og öndunaræfingar til að virkja slökunarviðbragð líkamans sem eru varnir líkamans við innri streitu.
  • Að breyta hugsanamynstrum og tilfinningalegum viðbrögðum til að fara frá streitutengdum hugsunum í hugsanir byggðar á seiglu.
  • Aðferðir til að bæta svefn, næringu og líkamlega hreyfingu.

 

Rannsókn frá árinu 2015 sýndi fram á að þátttakendur sem tóku þátt í námskeiðinu drógu úr læknisheimsóknum að meðaltali um 43% árið eftir að þeir tóku þátt.

 

Námsefnið er gagnreynt og vel rannsakað og finna má margar rannsóknir sem styðja þessa nálgun. Sjá nánar hér:

https://bensonhenryinstitute.org/smart-program/

 

Kennari: Hugrún Linda Guðmundsdóttir er félagsráðgjafi MA með starfsréttindi frá Landlækni. Hugrún hefur sérhæft sig í streitustjórnun, seiglu, jákvæðri sálfræði og núvitund og hefur öðlast       rétttindi  til að kenna þetta námskeið.

 

Námskeið áætlað 13 - 16. nóvember 2020

Námskeiðið er 4 dagar - kennt fyrir og eftir hádegi með góðu hádegishléi. ATH! Það hentar ekki öllum að taka námskeiðið á svo stuttum tíma og er þá ráðlegra að taka það á 8 vikum - 1x í viku. Fer eftir ástandi hvers og eins.            

Aðeins 12 pláss í boði

Verð: 82.000 - Námsefnið er á íslensku og þátttakendur fá æfingar og stuðningsefni eftir námskeiðið til að halda áfram að sinna því sem kennt er á námskeiðinu.

 

Hægt er að koma í einkaviðtöl fyrir eða eftir námskeið til að dýpka persónulega nálgun. Greiðist sérstaklega og bókast eftir samkomulagi.

 

Þátttakendur eru hvattir til að taka hvíld frá daglegu amstri, gefa sér góðan tíma í að taka þátt og njóta. Setja "PÁSU" á hið daglega líf og gefa sér leyfi til að læra að endurnæra sjálfan sig. Boðið verður upp á aukadagskrá meðfram námskeiðinu, morgunjóga og jóga nidra seinnipartinn. 

 

Nánari upplýsingar hjá Hugrúnu - hugrun@heillandihugur.is eða í síma 898-0500

 

Mörg stéttarfélög taka þátt í kostnaði.