Hugmyndafræði

 

 

Við erum heilluð af huganum sem annað hvort vinnur á móti okkur eða með okkur. 

 

Heillandi hugur er fræðslu og heilsusetur þar sem markmiðið er að efla, styrkja og styðja einstaklinga til ánægjulegra og innihaldsríkara lífs með ýmis konar fræðslu og þjálfun.

 

 Vellíðan í lífi og starfi 

Hugarfar - Heilsa - Hamingja - Hugrekki - Heilindi

 

Sjálfsstyrking, innri ró, jafnvægi í lífi og starfi, heildarsýn og almenn vellíðan er okkar sérsvið. Jákvæð sálfræði, núvitund, jóga, markþjálfun og ACT (acceptance and commitment therapy) er grunnurinn að okkar hugmyndafræði og nálgun í vinnu með hópum og einstaklingum. Við styðjumst við "Mind body medicine" hugmyndafræðina sem er vísindaleg nálgun á tengingu hugar og líkama þar sem venjur, hugsanir, tilfinningar, hegðun og samskipti eru talin hafa mikil áhrif á líkamlega heilsu og líkamleg heilsa hefur áhrif á hugann og andlega heislu.

 

Við elskum að blanda saman vestrænum vísindum og austrænni þekkingu og horfa á einstaklinginn í víðu samhengi. 

 

Hugrún Linda Guðmundsdóttir er eigandi setursins, Hugrún er félagsráðgjafi MA, markþjálfi, núvitundar og jógakennari með diploma á meistarastigi í jákvæðri sálfræði og diploma í mannauðsstjórnun. 

 

Aðrir sérfræðingar koma að námskeiðum og fræðslu og stefnum við upp á að bjóða upp á fjölbreytt úrval af námskeiðum og fyrirlestrum.