Streitustjórnun og seigluþjálfun

STREITUSTJÓRNUN OG SEIGLUÞJÁLFUN – Stress management and resiliency training (SMART) ™

Streitustjórnun og seigluþjálfun – Aðferð  til að bæta heilsu og vellíðan

Streita er náttúrulegt viðbragð líkamans, en langvarandi streita getur haft alvarleg áhrif á líkamlega og andlega heilsu. Við vitum að 60-90% af heimsóknum til lækna eru vegna sjúkdóma sem tengjast streitu. Streitutengd veikindi eru meðal annars háþrýstingur, hjartasjúkdómar, langvinnir verkir, kvíði og þunglyndi og jafnvel ofnæmi, exem og fl. Streitueinkenni geta verið alls konar eins og  erfiðleikar með svefn, pirringur, einbeitingaskortur, minnisleysi og almennt erfiðara að fara í gegnum daginn.

Námskeiðið byggir á tengingu huga og líkama (Mind – Body Medicine) og stutt af læknisfræðilegum rannsóknum frá Harvard Medical School og Benson-Henry Institute.

Mind-Body Medicine hugmyndafræðin byggir á því að venjur, hugsanir, tilfinningar,hegðun og samskipti eru talin hafa mikil áhrif á líkamlega heilsu og sömuleiðis hefur líkamleg heilsa áhrif á hugann og andlega heilsu.
Rannsóknir sýna jákvæð áhrif á hina ýmsu sjúkdóma og ástand sem tengjast streitu og streitutengdum sjúkdómum. Við vitum að mind-body medicine er oftast árangursríkasta meðferðin til að meðhöndla streitu eða koma í veg fyrir að streita fái að þróast í sjúklegt ástand.

Aðeins heilbrigðismenntaðir aðilar fá leyfi til að kenna þetta námskeið að undangenginni þjálfun hjá Benson- Henry Institute for Mind Body Medicine at Massachussetts General Hospital.

Á þessu námskeiði er áhersla lögð á að kenna fólki að draga úr streitu og streitueinkennum, ná meiri stjórn á viðbrögðum líkamans við streitu og langvarandi álagi, draga úr sjúkdómseinkennum og efla lífsgæði og vellíðan.

Kenndar eru aðferðir til að efla innri styrk og seiglu en seigla er hæfileiki til að viðhalda heilbrigðu og stöðugu andlegu og líkamlegu ástandi í gegnum álag og streitu. Hægt er að þjálfa upp þennan eiginleika með ýmsum aðferðum.

Þátttakendur læra margvíslegar aðferðir byggðar á vísindum um tengingu hugar og líkama (Mind body medicine) sem og inngrip sem byggja á sjálfsvinnu:

Meðal annars:

• Að þekkja sín eigin streituviðbrögð og streituvalda.
• Ýmsar hugleiðsluaðferðir og öndunaræfingar til að virkja slökunarviðbragð líkamans sem eru varnir líkamans við innri streitu.
• Að breyta hugsanamynstrum og tilfinningalegum viðbrögðum til að fara frá streitutengdum hugsunum í hugsanir byggðar á seiglu.
• Aðferðir til að bæta svefn, næringu og líkamlega hreyfingu.

Inn  í námskeiðið fléttast hinar ýmsu aðferðir eins og öndun, núvitund, jóga nidra, jákvæð sálfræði, samkenndarnálgun og ACT.

Námskeiðið er því fullt af verkfærum og bjargráðum sem fólk er hvatt til að prófa á meðan á námskeiði stendur. Vegleg les- og vinnubók fylgir námskeiðinu.

Rannsókn frá árinu 2015 sýndi fram á að þátttakendur sem tóku þátt í námskeiðinu drógu úr læknisheimsóknum að meðaltali um 43% árið eftir að þeir tóku þátt.

Fyrir hvern er námskeiðið?

Þetta námskeið er fyrir þá sem vilja taka ábyrgð á virkan hátt til að bæta heilsu sína og líðan. Það hentar sérstaklega þeim sem:

Finnast þeir fastir í vítahring streitu og álags.

Vilja minnka áhættu á langvinnum heilsufarsvandamálum tengdum streitu.

Vilja byggja upp sterkari grunn til að takast á við líkamlegar eða andlegar áskoranir.

Hvort sem fólk hefur verið greint með sjúkdóma, finnur fyrir langvarandi streitu- eða sjúkdómseinkennum eða vill einfaldlega draga úr streitu og auka lífsgæði sín, þá gæti þetta námskeið hentað.

Kennari:

Hugrún Linda Guðmundsdóttir félagsráðgjafi MA með starfsréttindi frá Landlækni. Hugrún hefur sérhæft sig í streitustjórnun, seiglu, jákvæðri sálfræði og núvitund og hefur öðlast réttindi til að kenna þetta námskeið.

Námskeiðið er kennt 1 sinni í viku  í 2,5 klst í senn í 8 vikur.

Næstu  námskeið:

22. janúar 2025

Kennt á miðvikudögum kl. 13.00 – 15.30

Nánari upplýsingar hjá Hugrúnu – hugrun@heillandihugur.is eða í síma 898-0500

Mörg stéttarfélög taka þátt í kostnaði, m.a. sjóðir leik -grunnskóla- og framhaldsskólakennara.
Námskeiðið er samþykkt hjá VIRK starfsendurhæfingarsjóð